ဘန်ကောက်မှာစျေးဝယ်ထွက်ရတာရိုးလာရင်တော့ ဟောင်ကောင်ကိုသွားကြည့်စေချင်ပါတယ်။ ဟောင်ကောင်ဟာ အာရှရဲ့ Brand မြို့တော်၊ ဖက်ရှင်မြို့တော်ဖြစ်သလို လည်စရာပတ်စရာလည်း သိပ်များတဲ့နေရာပါ။ ဒါပေမဲ့ တစ်နေရာနဲ့တစ်နေရာလည်း နီးနီးလေးဆိုတော့ စျေးဝယ်လို့ကောင်း၊ လည်လို့ကောင်းတဲ့ နိုင်ငံပေါ့။ ဆိုတော့ကာ ကျော် ဟောင်ကောင်သွားခဲ့တယ်ပေါ့ဗျာ။ ဟောင်ကောင် ဟာ ဖက်ရှင်အိုင်ကွန် (Fashion icon) လို့ဆိုစမှတ်ပြုသလိုပဲ ဝယ်စရာ ဖက်ရှင်ကျကျအဝတ်အစား တွေ သိပ်ကိုပေါပါတယ်။ ပြည်တွင်းဖြစ်ဝယ်မလား၊ နိုင်ငံတကာဘရန်းဒတ်တွေပဲ ဝယ်မလား အားလုံး ကို စုံစုံလင်လင်တွေ့နိုင်မှာပါ။ ဟောင်ကောင်တံဆိပ်တွေဖြစ်တဲ့ Bossini, Giordano, G2000, Baleno, Bess တို့ကို မဖြစ်မနေဝယ်သင့်တယ်လို့တောင်ညွှန်းဆိုကြတာပါ။ ဒီ (၁၀) နေရာကတော့ အွန်လိုင်းမှာတွေ့တာရယ် ကျော်တို့သွားခဲ့လို့ တကယ်ပဲ ဝယ်လို့ကောင်းတာရယ်ကြောင့်စုစည်းဖော်ပြ လိုက်တာဖြစ်ပါတယ်။
စာရေးသူတစ်ယောက်အနေနဲ့သွားတဲ့ခရီးအတွေ့အကြုံကိုပြန် လည်ဝေမျှတဲ့သဘောပါ။
ဟောင်ကောင်မှာ စျေးပေါပေါနဲ့ဝယ်စရာ နေရာ (၁၀) ခု
